aSp 26:4
bJob 14:9
cJer 23:16
dMs 27:17
eIsa 14:9
fEze 34:8-10
gPh 118:22
i2Sa 22:43
jAm 2:15
kEze 30:24
lPh 102:13
mZec 9:15
n1Sa 2:1
oIsa 5:26
pJer 33:22
qIsa 11:11
rIsa 49:19
sJer 50:19
tIsa 19:57
uZep 2:13
vEze 30:24
wMic 2:5

Zechariah 10

TOPA in Judah Don Ding

1Khuakhal kipat hunin TOPA tungah guah ngen un;
huihpi meiipite a bawl TOPA ahi hi.
Amah in mite tungah guah zusak a, a
a kua mahpeuh tungah ankungte a pia hi. b
 2 Milimte in zuau kam pau-in,
khongkhaite in mangmuhna-zuau mu uh hi;
amaute in amaan lopi-in mang khia uh a, c
a mawkna-in a hehnem uh hi.
Tua ahi ciangin mite tuu bangin vakzau uh a,
a cing nei lo tuu bangin amaute a kinengniam hi. d
 3 “Tuucingte tungah ka heh suak lua-a,
a makaite dan ka thuaksak ding hi; e
ahang in, Thahatpen TOPA in a ganhonte,
Judah innkuante don dinga,
gal sunga sakol hatpen a bangsak ding hi. f
 4 Judah panin innkiu khuambul suang hong pai dinga, g
amah panin puanbuk khetphim,
amah panin kidona thalpeu,
amah panin gam-uk peuhmah, hong pai ding hi.
 5 Amaute ▼
▼10.4,5 Ahikeh ukpa, avekpi un / 5
a vekpi un galsimna-a
kongzing buannawi a tuancilgawp mi thahatte bang ding uh hi. i
TOPA in amaute ompih ahi manin gal do ding uh a,
sakol galkapte a lawnthal ding uh hi. j
 6 Judah innkuante ka thakhauhsak dinga k
Joseph innkuante ka honkhia ding hi.
Amaute khuatuah ka hi manin
a ngei uh ka bangsak kik ding hi. l
Keimah amaute Pasian TOPA ka hi manin
ka nial ngei loh bang ka hi ding a,
amaute ngetna ka dawng ding hi.
 7 Ephraim-te mi thahat tawh kibang ding uh a,
zudawn bangin a lungkim ding uh hi. m
A tate un tua mu-in kipak ding uh a,
TOPA sungah a lungdam ding uh hi. n
 8 Amaute khutvanin ka kaikhawm ding hi. o
Amaute ka tankhia taktak dinga,
a masa lai-a bangin
tampi a pha ding uh hi. p
 9 Mite lakah amaute ka thehthanga,
mun tuamtuam gamlapi ah a om uh hangin kei hong phawk ding uh hi.
A tate uh tawh amaute suakta in
hong ciah kik ding uh hi.
 10 Egypt panin amaute ka paikhiatpih dinga,
Assyria panin amaute ka kaikhawm ding hi. q
A om nading uh om lo zah dongin r
Gilead le Lebanon ah ka tunpih ding hi. s
 11 Amaute in lungkhamna tuipi kantan ding uh hi;
tuipi hualte ki-uk zo-in
Nile thuknate khempeuh a kangcip ding hi. t
Assyria kiphatsakna kinuaisiah dinga, u
Egypt sik ciangkhut a mangthang ding hi. v
 12 TOPA sungah amaute ka thakhauhsak dinga,
ama minin a kalsuan ding uh hi,” w

TOPA in cikhia hi.
Copyright information for ZomZIV